Başlama vaxtı: 27.12.2023 15:00
Bitmə vaxtı: 27.12.2023 16:00
Biznes mühiti və beynəlxalq reytinqlər üzrə Komissiyanın “Su şəbəkələrinə qoşulma” işçi qrupunun 27 dekabr 2023-cü il tarixində saat 15:00-da video-konfrans formatında iclası keçiriləcək.
İclasda Dünya Bankı Qrupunun “Əlverişli Biznes Mühiti” layihəsinin “Su şəbəkəsinə qoşulma” indikatoru ilə bağlı müvafiq sahədə təkmilləşmələrin həyata keçirilməsinə dair 2022-2023-cü illər üzrə Yol Xəritəsinin cari ildə icra vəziyyəti və işçi qrupunun bundan əvvəlki iclasında verilmiş tapşırıqlarla bağlı görülmüş işlər barədə məlumat veriləcək, həmçinin gündəliyə uyğun olaraq digər məsələlər və 2024-cü il üzrə Yol Xəritəsinin hazırlanması müzakirə ediləcək.
İclasda “Azərsu” ASC və digər aidiyyəti qurumların nümayəndələri iştirak edəcək.