“Azərsu” Açıq Səhmdar Cəmiyyəti su təchizatı və kanalizasiya sistemlərinin yenidən qurulması layihələrində beynəlxalq təşkilatlar və maliyyə qurumları ilə sıx əməkdaşlıq edir. “Azərsu” ASC Azərbaycan Hökumətinin Yaponiya Beynəlxalq Əməkdaşlıq Agentliyi ilə birgə maliyyələşdirdiyi “Kiçik şəhərlərdə su təchizatı və kanalizasiya layihəsi” çərçivəsində Naftalan, Bərdə, Yevlax, Xızı və Qobustan şəhərlərində su təchizatı və kanalizasiya sistemlərinin yenidən qurulması üzrə işlərdə tikintiyə texniki nəzarəti həyata keçirmək üçün müvafiq ixtisaslı işçilərin işə qəbulunu elan edir.
Bu kateqoriyadan olan işçilər tikinti-quraşdırma işlərinə gündəlik texniki nəzarət edir, bu zaman qarşıya çıxa biləcək problemlərlə əlaqədar akt tərtib edərək sifarişçini müvafiq şəkildə məlumatlandırır, podratçı tərəfindən görülmüş tikinti-quraşdırma işlərinin bağlanmış müqavilələrin texniki tələblərinə və layihəyə uyğunluğunu yoxlayır və ortaya çıxa biləcək qüsurlarla bağlı texniki rəy verir.